काठमाडौं । ग्रीन सिटी हस्पिटलले आफ्नो सेवाको १२ वर्ष पुराभई १३ औं वर्षमा प्रवेश गरेको अवसरमा आज एक भव्य कार्यक्रम आयोजना गरि हस्पिटलको तर्फबाट विशेष रूपमा अपाङ्गता भएका दुई जना व्यक्ति नीलमणि भण्डारी र बालिका सुशान्ति भट्टालाई हौसला र प्रेरणाका लागि सम्मान सहित उहाहरुलाई जीवनभर निःशुल्क सेवा प्रदान गर्ने प्रतिबद्दता जाहेर गरेको छ ।
स्थापना कालदेखि नै गुणस्तरीय, सर्वसुलभ तथा सेवामुखी स्वास्थ्य सेवा प्रदान गर्दै आएको हस्पिटलले स्थापना काल देखि आज सम्म आई पुग्दा आफ्नो सामाजिक उत्तरदायीत्व अन्तरगत करिब ५०० जनाको निःशुल्क उपचार गरेको आजको कार्यक्रममा हस्पिटलका अध्यक्ष लोक बहादुर टण्डनले बताउनु भयो ।
वार्षिकोत्सव समारोहको अवसरमा हस्पिटलले स्वास्थ्य सेवामा रहेर अहोरात्र खटि हस्पिटललाई यस स्थान सम्म ल्याउन उल्लेख्य योगदान गर्ने डा. माया भट्टचन, डा. अनिल भट्टराई, डा. सन्त कुमार कुमार दास, डा. बिनोद शेरचन, डा. बिपिन कुमार श्रेष्ठ र डा. लखनलाल शाहलाई बिशेष सम्मान गरेको थियो ।
त्यस्तै सञ्चार, सामाजिक तथा कला क्षेत्रमा उल्लेखनीय योगदान र्पुयाउने सामाजिक अभियन्ता कमल जी.सी., सञ्चारकर्मी तथा सामाजिक अभियान्ता डि बि पराजुली,सामाजिक व्यक्तिव सञ्चारकर्मी अर्जुन भुसाल, भोजराज थापा, मोहन बस्नेत, भुवन भुसाल तथा कलाकारहरु तिलक बस्नेत र रमेश दुलाल (कागे) लाइ सम्मान तथा कदरपत्र प्रदान गरेको थियो ।
कार्यक्रमका प्रमुख अतिथिको रूपमा टोखा नगरपालिकाका उपप्रमुख मुरारी तामाङ उपस्थित हुनुहुन्थ्यो भने टोखा वडा नंं ७ का वडाध्यक्ष नरोत्तम राना,समाजसेवी तोयानाथ पौडेल ,हस्पिटलका संचालक समिति,शेयर सदस्यहरु लगायत अन्य समाजसेवी तथा विशिष्ट व्यक्तिको उपस्थित रहेको थियो ।
कार्यक्रम संचालिकाको भुमिकामा चर्चित लोक दोहोरी गायीका मन्जु पौडेल रहनु भएको थियो भने कार्यक्रमको व्यवस्थापन चर्चित गायक तिलक बस्नेत र समाजसेवी कमल जि.सी.ले गर्नु भएको थियो ।
कार्यक्रमको अवसरमा हस्पिटलका सम्पूर्ण कर्मचारीहरूलाई उपहार प्रदान गरी उनीहरूको समर्पण र सेवाको कदर गरिएको थियो ।
कार्यक्रममा हस्पिटलका अध्यक्ष लोक बहादुर टण्डनले यस वर्ष २०० भन्दा बढी मुटु सम्बन्धी शल्यक्रिया सफलतापूर्वक सम्पन्न भएको उल्लेख गर्दै, हस्पिटलको स्वास्थ्य सेवा क्षमताको उच्च मूल्यांकन गरेको बताए । जेंजी आन्दोलनमा आफु पनि घटनामा परि नया जीवन पाएको र त्यो घटनाले थप सामाजिक सेवामा तल्लिन भएको बताउनु भयो ।
समारोहमा हस्पिटलका कर्मचारी तथा नर्सहरुको विभिन्न सांगीतिक तथा नृत्य प्रस्तुति राखिँदै, सम्मान तथा पुरस्कार वितरण गरी समारोह उत्साहपूर्ण रूपमा सम्पन्न गरिएको थियो ।
ग्रीन सिटी हस्पिटलले आगामी दिनमा अझ आधुनिक प्रविधि र प्रभावकारी स्वास्थ्य सेवा विस्तार गर्दै नागरिकलाई गुणस्तरीय उपचार उपलब्ध गराउने प्रतिबद्धता व्यक्त गरेको छ ।
-जयराम बिडारी
काठमाण्डौ / सूचक प्रकाशन काठमाडौँको आयोजनामा ओशो तपोवनको पवित्र स्थानमा एक विशेष कार्यक्रमको आयोजना गरि समाजमा धार्मिक सहिष्णुता,प्रेम र सद्भावको सुवास छर्न अहोरात्र समर्पित पूज्यपाद बोधिसत्व स्वामी आनन्द अरुणलाई उहाँको योगदानको कदरस्वरुप शिखर अभिनन्दन गरिएको छ ।
नेपाल प्रज्ञा प्रतिष्टानका कुलपति भूपाल राईको प्रमुख आतिथ्यमा शिखर अभिनन्दन संयोजन समितिका अध्यक्ष राजकुमार बानिया कौशिकको सभापतित्व , विशेष वक्ताका रुपमा चर्चित पत्रकार टीकाराम यात्री,सम्यक् सन्देशका संरक्षक एवं शिक्षासेवी केदारनाथ श्रेष्ठ, बौद्ध अध्येता एवम् सम्यक् सन्देशका सलाहकार श्यामलाल चित्रकार, लोमश वाङ्मय प्रतिष्ठानका अध्यक्ष माधव घिमिरे ‘अटल’ को आतिथ्यमा कार्यक्रम सम्पन्न गरिएको थियो ।
प्रमुख अतिथि राईद्वारा गमलामा जलार्पण गरेर उद्घाटन गरिएको कार्यक्रम राष्ट्रिय गान बजाएर राष्ट्र प्रति सम्मान प्रकट गर्दै सुरुवात गरिएको थियो । कार्यक्रममा लोमश वाङ्मय प्रतिष्ठानका अध्यक्ष माधव घिमिरे अटलद्वारा अभिनन्दन पत्र वाचन गरिएको थियो ।
सो समारोहमा प्रमुख अतिथिको भूमिकामा रहनुभएका नेपाल प्रज्ञा प्रतिष्ठानका कुलपति भूपाल राईले ओशो तपोवन जस्तो आध्यात्मिक ऊर्जा केन्द्रमा शब्दभन्दा मौन साधनाको विशेष महत्त्व रहने उल्लेख गर्नुभयो । उहाँले कवितालाई पनि एक प्रकारको ‘मौन साधना’ का रूपमा चित्रित गर्दै वर्तमान समयका पथभ्रष्ट राजनीतिज्ञहरूलाई हृदयको शुद्धीकरणका लागि कविता लेख्न वा त्यति गर्न नसकेमा कम्तीमा कविता अध्ययन गर्न सुझाव दिनुभयो। कुलपति राईले भौतिकताको आडम्बरमा बुद्धका मूर्ति मात्रै बेच्नुको सट्टा बुद्धत्वको बोध र ज्ञानलाई आत्मसात् गर्नु नै वास्तविक ‘बोधिसत्व’ प्राप्तिको मार्ग भएकोमा जोड दिनुभयो । मानसिक स्वास्थ्य र आत्मिक शान्तिका लागि योग एवं ध्यान अपरिहार्य रहेको र स्वामी आनन्द अरुणलाई ‘मानसिक स्वास्थ्य क्रान्तिका संवाहक’ का रूपमा चित्रण गर्दै उचित पात्रलाई अभिनन्दित गरी समाजलाई सकारात्मक सन्देश दिने कर्मका लागि सूचक प्रकाशनका अध्यक्ष भेटुवालको प्रशंसा गर्नु भयो ।
उक्त कार्यक्रमको अभिनन्दित व्यक्तित्वका बारेमा चर्चित पत्रकार टीकाराम यात्रीले स्वामी आनन्द अरुणलाई दार्शनिक गहिराइ र धार्मिक सहिष्णुतायुक्त ‘सद्गुरु’ का रूपमा चित्रण गर्दै उनको अभियानले समाजलाई सुमार्गमा डोहोऱ्याउन विशिष्ट योगदान दिएको बताउनुभयो ।
सुरुवाती चरणमाा ओशोका साहित्यहरु बिक्री गर्ने ,ध्यान शिविरहरु चलाउने र व्यवस्थापन गर्ने क्रममा कठीन संघर्षले अघि बढ्दै नेपालमै पनि ९० वटा भन्दा बढी ओशो सेन्टरको स्थापना गर्न सक्षम आनन्द अरुण एक योग्य गुरुका अशल शिष्यका रुपमा स्थापित नाम हो ।
एक प्रतिष्ठित व्यापारिक घरानाका सदस्य एवं पेशाले इन्जिनियर रहेका स्वामी अरुणले निर्माण गरेको त्रिभुवन विश्वविद्यालयको केन्द्रीय भवन उहाँको व्यावसायिक कुशलताको ज्वलन्त उदाहरण भएको समेत यात्रीले उल्लेख गर्नुभयो।
कार्यक्रममा अभिनन्दित व्यक्तित्व स्वामी आनन्द अरुणले ५६ वर्षअघि सद्गुरु ओशोको सान्निध्यबाट आफ्नो आत्मिक चिन्तनको द्वार खुलेको स्मरण गर्दै नेपालजस्तो पुण्य भूमिमा जन्म लिन पाउनुलाई प्रारब्धको सुकर्म र अहोभाग्यका रूपमा चित्रण गर्नुभयो। आफूलाई केवल योग साधनाको एक विनम्र साधकका रूपमा प्रस्तुत गर्दै उहाँले ‘सूचक प्रकाशन’ द्वारा प्रदत्त सम्मानले समाज र राष्ट्रप्रति अझै समर्पित हुन थप नैतिक जिम्मेवारी बोध गराएको बताउनुभयो ।
ऋषिमुनिहरूको तपोभूमि नेपालमा शिवपुरी बाबा, खप्तड बाबा, पाइलट बाबा र पद्मसम्भव जस्ता हजारौँ महापुरुषहरूले सिद्धि प्राप्त गरेको प्रसङ्ग उल्लेख गर्दै उहाँले यस पावन धरालाई विश्वकै उत्कृष्ट योग साधना गन्तव्यका रूपमा विकास गर्न सरकारले उचित नीति निर्माण गर्नुपर्नेमा जोड दिनुभयो।
विभिन्न मुलुकको पर्यटन विकासको उदाहरण प्रस्तुत गर्दै स्वामी अरुणले नेपालले उपयुक्त नीति अवलम्बन गर्न सके विश्वभर रहेका करिब डेढ अर्ब हिन्दु र त्यति नै सङ्ख्यामा रहेका बौद्ध धर्मावलम्बीहरूलाई पशुपतिनाथ, लुम्बिनी र सगरमाथाको भ्रमण गराई धार्मिक,आध्यात्मिक एवं पर्यटनमार्फत आर्थिक समृद्धिको शिखर चुम्न सकिने धारणा व्यक्त गर्नुभयो।
सो समारोहलाई सम्बोधन गर्दै प्रकाशनका अध्यक्ष दीपक भेटुवाल दीपसागरले जीवनको उच्च मूल्य र मान्यता कायम गर्न प्रभावकारी भूमिका निर्वाह गर्नु भएका पूज्यपाद बोधिसत्व आनन्द अरुणजस्तो विराट व्यक्तित्वलाई शिखर अभिनन्दन गर्न पाउँदा अपार हर्ष मिलेको बताउनु भयो ।
प्रकाशनद्वारा भाषा कला साहित्य समाजसेवा ,संस्कृति र अध्यात्मका क्षेत्रमा यस अघि विशिष्ट योगदान पुर्याएका संस्कृतिविद् सत्यमोहन जोशी राष्ट्रकवि माधवप्रसाद घिमिरे भद्रकुमारी घले,डा. निरञ्जन पौडेल, प्रा.डा. प्रकट पोख्रेल तथा शिक्षासेवी केदारनाथ श्रेष्ठ दम्पत्तिलाई समर्पण गरिसकेको बताउनु भयो ।
समाज प्रतिको यस्ता सुकर्मले सामाजमा सहिष्णुता , धार्मिक र आध्यात्मिकता बृद्धि हुँदै जाने विचार व्यक्त गर्दै प्रकाशनका अभियान आगामी दिनमा समेत निरन्तर चलिरहने बताउनु भयो ।
कार्यक्रममा नवराज दाहाल,राधा कार्की,रुबि सत्याल,जितेन्द्र रसिक,सेजल काफिया,गङ्गा खतिवडा,रबिन्द्र आशिष,निराजन मौदगल्य,आल्फिफोहेन फाक्लुप्पा,कमला घिमिरे,तारा सुवेदी,अप्सरा केसी,राधा कार्की,बासुदेव ठकुरीले रचना वाचन गर्नु भएको थियो । सो अवसरमा प्रमुख अतिथि रचना वाचन गर्नुहुने स्रष्टाहरु लगायत संयोजकहरुलाई स्वामी आनन्द अरुणले प्रमाणपत्र तथा कदर पत्र प्रदान गर्नुभएको थियो ।
माइण्ड प्लसका प्रवन्ध निर्देशक तथा प्रतिभा समन्वय समितिका संयोजक नवीन पल्लवद्वारा सहजीकरण गरिएको कार्यक्रममा करिव २००को हाराहारीमा ओशो सन्यासी साधकहरुको समेत उपस्थिति रहेको थियो भने कार्यक्रमलाई शिखर अभिनन्दन संयोजन समितिका उपसंयोजक रामराजा वस्नेतद्वारा धन्यवाद ज्ञापन सहित सभा विसर्जन गरिएको थियो ।
काठमाडौं । काठमाडौको टुंडिखेलमा राष्ट्रिय सोनाम ल्होछार–२८६२ को अवसरमा आयोजना गरिएको ल्होछार महोत्सव आज दोस्रो दिन विशेष सांस्कृतिक र धार्मिक कार्यक्रमसहित भव्य रूपमा मनाइँदैछ।
राष्ट्रिय सोनाम ल्होछार मूल समारोह समितिको आयोजनामा माघ ४ गते साँझदेखि सुरु भएको ल्होछार महोत्सवको दोस्रो दिन आज बिहान ११ बजे लामा, ताम्बा र बोन्बोद्वारा विधिपूर्वक पुजापाठ, लुङ्तार राख्ने संस्कार, धार्मिक अनुष्ठान तथा मौलिक सांस्कृतिक झाँकी प्रस्तुतिसँगै कार्यक्रम अघि बढ्नेछ।
तामाङ समुदायको पहिचान, परम्परा र संस्कृतिलाई उजागर गर्ने उद्देश्यसहित आयोजना गरिएको कार्यक्रममा दिउँसो १२ बजे प्रधानमन्त्री सुशीला कार्कीले बृहत तामाङ सांस्कृतिक महोत्सव तथा ल्होछार कार्यक्रमको औपचारिक उद्घाटन गर्ने कार्यक्रम रहेको मूल समारोह समितिले जनाएको छ।
छोटो औपचारिक कार्यक्रमपछि चर्चित तामाङ तथा नेपाली कलाकारहरूको सांगीतिक प्रस्तुति, नृत्य, लोकधुन र मौलिक सांस्कृतिक कार्यक्रमहरू प्रस्तुत गरिनेछ।
कार्यक्रम स्थलमा यस वर्ष तामाङ समुदायको मौलिक भेषभूषा, परम्परागत खाना, तामाङ जातिसँग सम्बन्धित पुस्तक, हस्तकला तथा पहिचान झल्काउने सामग्रीहरूका विभिन्न स्टलहरू राखिएको छ, जहाँ बिक्री तथा प्रदर्शनीसमेत गरिनेछ।
ल्होछार महोत्सव सफल बनाउन नेपाल तामाङ घेदुङ संयोजक, नेपाल राष्ट्रिय तामाङ घेदुङ सह–संयोजक तथा अन्य तामाङ संघ–संस्थाहरू सदस्य रहने गरी १०१ सदस्यीय मूल समारोह समिति गठन गरिएको छ। समितिअन्तर्गत सांस्कृतिक कार्यक्रम समिति, ताम्बा–लामा–बोन्बो तयारी समिति, स्वयंसेवक, प्रचारप्रसार, स्वागत–सत्कार तथा मञ्च व्यवस्थापन समिति गठन गरी कार्यक्रमलाई व्यवस्थित बनाइएको छ।
आजकै दिन नेपालका विभिन्न जिल्ला तथा विदेशमा रहेका तामाङ समुदायले पनि परम्परागत संस्कार, संस्कृति र मौलिक पहिचानसहित सोनाम ल्होछार हर्षोल्लासका साथ मनाइरहेका छन्।
संस्कार, संस्कृति र पहिचानको संरक्षण गर्दै ल्होछार महोत्सव तामाङ समुदायको गौरव र एकताको प्रतीक बनेको आयोजकको भनाइ छ।
काठमाडौं ।
तामाङ चलचित्र क्षेत्रका चर्चित नायक प्रबिन्स मोक्तानको नयाँ गीत ‘कि देउ फेसबुक कि नम्बर , सार्वजनिक गरिएको छ। गीत प्रबिन्स मोक्तानको आधिकारिक युट्युब च्यानल तथा सामाजिक सञ्जालमार्फत सार्वजनिक गरिएको हो।
लामो समयदेखि तामाङ चलचित्र क्षेत्रमा सक्रिय रहेका मोक्तान पछिल्लो समय गायन क्षेत्रमा पनि निकै सक्रिय देखिँदै आएका छन्। देशका विभिन्न महोत्सव तथा सांगीतिक कार्यक्रममा भेस्टा गायकका रूपमा प्रस्तुति दिँदै आएका उनले यसपटक आफ्नै स्वरमा नयाँ अडियो गीत सार्वजनिक गरेका हुन्।
हालसालै सार्वजनिक गरिएको ‘कि देउ फेसबुक’ बोलको गीतले सामाजिक सञ्जालमार्फत हुने युवा पुस्ताको प्रेम, आकर्षण र संवादलाई मनोरञ्जनात्मक ढंगले प्रस्तुत गरेको छ। गीतप्रति दर्शक–श्रोताबाट सकारात्मक प्रतिक्रिया आउने अपेक्षा गरिएको छ।
🎶 गीतको प्राविधिक पक्ष
गीत: कि देउ फेसबुक आईडी कि नम्बर
स्वर: प्रबिन्स मोक्तान
शब्द / संगीत: विजय लामा वाइबा
निर्माण | मिक्स | मास्टरिङ: डिएगो मोक्तान (दार्जिलिङ)
स्टुडियो: कार्निभल रेकर्ड्स
भिडियो: कबिन योञ्जन
रेडियो पार्टनरहरू:
मिर्मिरे रेडियो, मेट्रो एफएम,
सगरमाथा एफएम, ग्रेप्स एफएम
काठमाडौं । चन्द्रागिरि नगरपालिका वडा नं.३ थानकोटमा रहेको प्रतिस्पर्धा बचत तथा ऋण सहकारी संस्था लिमिटेडको १३ वार्षिक साधारणसभाले कार्यवाहक अध्यक्ष रविन्द्र बोहरालाई अध्यक्ष पदमा सर्वसम्मत चयन गरेको छ ।
साधारणसभाले आगामि ४ बर्षकोलागि नयाँ कार्यसमिति समेत चयन गरेको छ ।
कार्य समितिको अध्यक्षमा रविन्द्र बोहरा,उपाध्यक्षमा शखिला मंगराती,कोषाध्यक्षमा अनिश श्रेष्ठ,सचिवमा पाल्देन लामा,सदस्यहरुमा हरि लामा,शान्ति मंगराती र बिक्रम रोका लाई सर्वसम्मतबाट चयन गरेको छ ।
त्यस्तै लेखा सुपरिवेक्षण समितिको संयोजकमा कृष्ण पराजुली र सदस्यहरुमा प्रमोद मंगराती र रुपा महर्जन चुनिनु भएको छ ।
कार्यक्रमको अन्त्यमा निर्वाचन अधिकृत ओमप्रकाश श्रेष्ठ बाट सपथ ग्रहण गर्दै नव निर्वाचित अध्यक्ष रविन्द्र बोहराले संस्थालाई अझ अग्रगति दिन आफ्नो मन, बचन र कर्मले लाग्ने प्रतिबद्धता जाहेर गर्दै शेयर सदस्य तथा बचतकर्ताहरुलाई ढुक्क भएर प्रतिस्पर्धा बचत तथा ऋण सहकारीमा लगानी गर्न तथा कारोबार गर्न आग्रह समेत गर्नु भयो ।
संस्थाका कार्यवाहक अध्यक्ष रविन्द्र बोहराको अध्यक्षतामा सम्पन्न साधारणसभा पत्रकार महासंघका सचिव तथा राससका पत्रकार विदुर आचार्यले संचालन गर्नुभएको थियो ।
युवा व्यवसायी तथा त्रिनभ टिम बहुउद्धेश्यीय सहकारी संस्था लिमिटेडका अध्यक्ष ईश्वर लामाको प्रमुख आतिथ्यमा सम्पन्न साधारणसभामा स्थानिय शेयर सदस्य तथा संस्थाका कार्यसमिति सदस्यहरुको उपस्थिति रहेको थियो ।
साधारणसभामा मंगोलदय मा.वि.का प्रधानाध्यापक कविन्द्र गोपालीको संयोजकत्वमा बनेको निर्वाचन समितिले नयाँ कार्यसमिति समेत चयन गरेको छ ।
निर्वाचन समितिमा संयोजक कविन्द्र गोपाली, निर्वाचन अधिकृत ओमप्रकाश श्रेष्ठ ,सदस्य राजिव श्रेष्ठ,हरिदाश अमात्य रहनु भएको थियो ।
साधारणसभामा संचालक सदस्य सुदिप मंगरातीको स्वागत मन्तव्य रहेको थियो ।
कार्यवाहक अध्यक्ष रविन्द्र बोहराको प्रगति प्रतिवेदन,कोषाध्यक्ष सुरेश महर्जनको आर्थिक प्रतिवेदनका साथै लेखा सुपरिवेक्षण समिति संयोजक कृष्ण पराजुलीको प्रतिवेदन सर्वसम्मतले पास भएको थियो ।
साधारणसभाले मासिक बचत तर्फ अनिता लामा,साधारण बचतमा भगवती श्रेष्ठ,आवधिक बचतमा पुर्णमाया गोपाली,नियमित बचतमा पुर्णिमा श्रेष्ठ,दैनिक बचतमा सुभद्रा कुमारी कार्की र बाल बचतमा सुगम वाग्ले लाई मायाको चिनो सहित सम्मान गरेको थियो ।
त्यस्तै कार्यक्रममा संस्थाका कर्मचारी सुमन ढकाल र तुलसी खड्का समेत सम्मानित भएका थिए ।
कार्यक्रमको उद्घाटन समारोहमा बोल्दै प्रमुख अतिथि युवा व्यवसायी तथा त्रिनभ टिम बहुउद्धेश्यीय सहकारी संस्था लिमिटेडका अध्यक्ष ईश्वर लामाले बरु कारोबार सानै हुँदा केहि फरक पर्दैन तर बेईमान तरिका बाट शेयर सदस्य तथा बचतकर्ताहरुको रकममाथि हिनामिना गर्न नहुने बताउनु भयो । लामाले यो संस्थाले १३ बर्ष सम्म शेयर सदस्य तथा बचतकर्ताहरुको मन जित्न सफल भएकोमा हार्दिक शुभकामना समेत व्यक्त गर्नुभयो ।
लामाले संस्थालाई आवश्यकता पर्दा त्रिनभ टिमले सहयोग गर्न तयार रहेको जनाउँदै संस्थाले घोषणा गरेको छात्रावृतिकोषमा आफ्नो तर्फबाट २१ हजार सहयोग गर्ने प्रतिबद्धता समेत व्यक्त गर्नु भयो ।
देशमा बिस्तारै चुनावी माहोल तातिँदै गएको छ । चिया पसलदेखि ठूला होटलसम्म, गाउँको चौतारीदेखि सहरका बैठकसम्म—राजनीति र निर्वाचनबारे छलफल सामान्य बन्दै गएको छ । यही सन्दर्भमा रुपन्देही जिल्लाको निर्वाचन क्षेत्र नं. २ पनि बहसको केन्द्रमा देखिन थालेको छ । विशेषगरी राष्ट्रिय स्वतन्त्र पार्टी (रास्वपा) बाट समानुपातिक उम्मेदवारका रूपमा अगाडि सारिएकी मन्जु (ज्ञवाली) भुसालबारे चासो र चर्चा बढ्दै गएको छ ।
प्रारम्भिक जीवन र पारिवारिक पृष्ठभूमि
मन्जु (ज्ञवाली) भुसालको जन्म २०३२ साल माघ ५ गते साबिक चिदिका गाउँ विकास समिति वडा नं. ४, अर्घाखाँचीमा पिता मेघबहादुर ज्ञवाली र माता हिरादेवी ज्ञवालीको जेठी सुपुत्रीका रूपमा भएको हो । हजुरबुबा मानबहादुर ज्ञवाली र हजुरआमा गीतादेवी ज्ञवालीको गहिरो माया र संरक्षणमा हुर्किएकी मन्जु बाल्यकालदेखि नै नेतृत्वप्रति आकर्षित थिइन् ।
उनका हजुरबुबा २०२२ सालमा प्रधानपञ्चका रूपमा निर्वाचित भई पञ्चायती व्यवस्थाको नेतृत्व गरेका व्यक्ति हुन् । जिल्ला सभापति र अञ्चलाधीशजस्ता जिम्मेवारी सम्हालेका हजुरबुबाको राजनीतिक र प्रशासनिक यात्राले मन्जुलाई सानै उमेरदेखि नेतृत्वको अर्थ बुझ्ने अवसर दिएको देखिन्छ ।
नेतृत्व चेतना र सामाजिक सक्रियता
११ वर्षको उमेरदेखि नै “म नेता बन्छु” भन्ने स्पष्ट लक्ष्य बोकेकी मन्जु भुसालको आत्मविश्वास, तर्कशक्ति र प्रस्तुतिले समाजका ठूला–ठूला व्यक्तिहरूलाई समेत चकित पार्ने गर्थ्यो । छोरीलाई धेरै पढाउनु हुँदैन भन्ने सोच व्याप्त रहेको समयमै उनको परिवारले त्यसलाई चुनौती दिँदै अध्ययन र नेतृत्वतर्फ अघि बढ्न प्रेरणा दिएको थियो ।
गाउँमा हुने समस्या समाधानदेखि सामाजिक सहजीकरणसम्म मन्जुको भूमिका प्रभावकारी हुन्थ्यो । उनका निर्णयहरू प्रायः सर्वस्वीकार्य हुने गर्थे, जसले समाजमा सकारात्मक प्रभाव पार्थ्यो ।
राजनीतिक यात्रा
मन्जु भुसालको राजनीतिक सक्रियता स्कुले जीवनदेखि नै सुरु भएको हो । २०५४/५५ सालमै उनी नेपाल तरुण दलको गाउँ विकास समिति सचिव बनेकी थिइन् । यो तथ्यले उनको नेतृत्व क्षमता र संगठनात्मक दक्षता सहजै देखाउँछ ।
समयक्रममा नेपाली कांग्रेसको भातृ संगठनबाट राजनीति सुरु गरेकी उनी माओवादी र एमाले हुँदै हाल राष्ट्रिय स्वतन्त्र पार्टीसम्म आइपुग्दा उनको राजनीतिक यात्रालाई अर्थपूर्ण रूपमा हेरिन थालेको छ । विचार, अनुभव र व्यवहारको संगमका रूपमा उनको यो यात्रा धेरैका लागि चासोको विषय बनेको छ ।
व्यवसायिक सफलता र सामाजिक योगदान
जन्म अर्घाखाँचीमा भए पनि कर्मथलो रुपन्देही बनाएकी मन्जु भुसाल निर्माण व्यवसायीका रूपमा सशक्त पहिचान बनाइसकेकी छन् । ७७ जिल्लामध्ये निर्माण व्यवसायी संघको प्रथम निर्वाचित महिला जिल्ला अध्यक्ष बन्न सफल हुनु उनको ठूलो उपलब्धि हो ।
हाल उनी आधा दर्जनभन्दा बढी सामाजिक संघ–संस्थामा नेतृत्वदायी भूमिकामा सक्रिय छिन् । व्यवसायिक सफलतासँगै सामाजिक उत्तरदायित्व निर्वाह गर्ने उनको शैलीले उनलाई फरक बनाएको छ ।
पारिवारिक जीवन र शिक्षा
मन्जु भुसाल एक सफल व्यवसायी मात्र होइनन्, एक जिम्मेवार र प्रेरणादायी आमा पनि हुन् । व्यवस्थापन संकायमा १२ कक्षा सम्म अध्ययन गरेकी उनले आफ्ना छोराछोरीलाई शिक्षा र व्यवसाय दुवैमा जोड्दै हुर्काइरहेकी छन् । उनका सन्तानहरूले हासिल गरेका शैक्षिक उपलब्धिले उनको पारिवारिक व्यवस्थापन क्षमतालाई पनि उजागर गर्छ ।
हालको जिम्मेवारी
हाल बुटवल–११, रुपन्देहीकी स्थायी बासिन्दा मन्जु भुसाल
बुटवल उद्योग वाणिज्य संघ कार्यसमिति सदस्य
बुटवल महिला जेसिस २०१६ की अध्यक्ष
नेपाल जेसिस २०१७ की राष्ट्रिय महिला संयोजक
पश्चिम नेपाल यातायात व्यवसायी समितिकी सल्लाहकार
नेपाल निर्माण व्यवसायी महासंघकी पूर्व केन्द्रीय सदस्य तथा लुम्बिनी प्रदेशकी पूर्व उपाध्यक्ष
नेपाल घरेलु तथा साना उद्योग महासंघ रुपन्देहीकी निवर्तमान उपाध्यक्ष तथा हाल सल्लाहकार
लुम्बिनी निर्माण व्यवसायी संघ रुपन्देहीकी वर्तमान अध्यक्ष
जस्ता महत्वपूर्ण भूमिकामा रहेर काम गरिरहेकी छन् ।
संघर्ष, नेतृत्व, अनुभव र निरन्तर सक्रियताबाट आफूलाई स्थापित गरेकी मन्जु (ज्ञवाली) भुसाल राष्ट्रिय स्वतन्त्र पार्टीबाट समानुपातिक उम्मेदवारका रूपमा अगाडि आउनु केवल राजनीतिक घटना मात्र होइन, रुपन्देही क्षेत्र नं. २ का लागि नयाँ सम्भावनाको संकेत पनि हो ।
उनका विचार, योजना र भावी दृष्टिकोणबारे थप खोजमूलक रिपोर्ट लिएर अर्को भागमा पुनः प्रस्तुत हुने अपेक्षासहित—मन्जु भुसालको यात्रा अहिले धेरैका लागि प्रेरणाको स्रोत बनेको छ
डि.बि.पराजुली
हामीले आफ्नो लागि आवस्यकता पर्ने हरेक बस्तु वा सेवा आफैं निर्धारण र उत्पादन गर्नु भन्दा पनि अरु कुनै कम्पनी वा व्यापारीहरुले तयार गरि दिएको वस्तु वा सेवामा रमाउने बानी पारि सकेका छौं । त्यति मात्र होइन हामी भौतिक वा रचनात्मक श्रम बिनानै नाफा कामाउने योजना बनाउन ब्यस्त भई रहेका हुन्छौं । यसले हामिलाई परनिर्भर बनाएको त छ नै, बाँच्न या मर्न पनि अरुको भर पर्नु पर्ने अवस्था सिर्जना भएको छ ।
आफ्नो जीवनको निर्णय समेत आफै गर्न नसक्ने आवस्थामा हामी आफुलाई सभ्य नागरिकको कित्तामा उभ्याउन खोजी रहेका छौं ।
व्यक्ति ,परिवार र सामाजको अन्तरसम्बन्ध समेत भुलेर समाजलाई बेवास्ता गर्दै व्यक्तिगत स्वार्थपूर्तिकालागि मात्र काम गर्न खोज्दा सामाजिक रिति रिवाज संस्कार,संस्कृति सबै लोप भएर जाने अवस्थामा पुगेको यथार्थ हामी सामु छर्लङ्ग छ ।
निराशावादी आत्मसमिक्षा , चाकडी र चाप्लुसी बाट मात्र आफुलाई स्थापित गराउने चाहाना , कुन्ठा र हिनताबोधको कारण आम मानिसहरू बिस्तारै बिस्तारै डिप्रेसनको सिकार बन्दै गई रहेको देख्न सकिन्छ ।
छिटोभन्दा छिटो नाम वा दाम कमाउने चाहानाले मानिसलाई अपराधिकरण गर्दै गई रहेको छ ।
यो समाजमा कस्ता कस्ता क्रियाकलाप हुन्छ ,समस्या केहो भन्ने हामी सबैलाई ज्ञान छ । समस्याहरूका चाङ देख्दा देख्दै पनि त्यसलाई बेवास्ता गरी निजि स्वार्थ पूरा गर्न दिनरात लागीरहेका हुन्छौं ।
सामाजिक अवस्थामा सुधार हुँदा व्यक्तिगत जिवनमा ठूलो परिवर्तन आउन सक्छ भन्ने भुलेर एक व्यक्तिले सिङ्गो समाजलाई आफ्नो चाहाना अनुसार नेतृत्व गर्न खोज्दा आज सामाजिक परिवेश लथालिङ्ग भएको छ ।
आज एक घर भित्रको समास्या बाहिर भनी नसक्नुको अवस्था छ ।
हरेक मामिस पुर्णरुपमा बनावटी जीवन बाँचिरहेका छन् । सबै थाहा पाएर पनि उ आफुलाई बदल्न चाहाँदैन र सक्दैन पनि उ यो अवस्थालाई समय को खेल भनेर चित्त बुझाउँछ ।
धन सम्पत्ति यश आराम हुने संग पारिवारिक एकता छैन ,परिवार संगै छैन । जो संग परिवार सबै संगै छन् उनिहरु सङ आफुलाई सामान्य जीवन यापन गर्न सक्ने श्रोत साधान समेत छैन । यो वर्तमान समाजको मुख्य अंतर्विरोध हो ।
धनिको धन देखेर गरीबीको मार खेपिरहेका हरुको मनमा जागृत भएको अपराधिकरण र आफ्नो धन को बलमा गरिब माथी शोषण गर्ने धनी हरुको मनम आउने अपराधिकरणले यो समाजलाई जटिल संकट तर्फ लैजाने संकेत गरिरहेको हामी देख्न सक्छौं ।
पछिल्लो समय अलि अलि पलाउँदै गएको सामाजिक अभियानहरु पनि परिणाम मुखी भन्दा पनि सामाजिक संजालमुखी हुन थालेको छ, जसले गर्दा सामाजिक अभियन्ता हरुको जीवन शैली र आनि बानी प्रती नै प्रश्न उठ्न थालेको छ ।
राज्यको चौथो अंगको रूपमा रहेको संचार क्षेत्र समेत राजनैतिक प्रचार प्रसार को केन्द्र बन्दै सत्य र खोज मुलक सामाग्री भन्दा पनि भ्यूजको लागि न्यूज वा आम्दानी मुलक न्यूज र बार्गेनिङ न्यूज बनाउनमा ब्यस्त हुन थाले पछि यसले समेत समाज लाई सहि दिशानिर्देश गर्न सकिरहेको छैन् ।
विद्यालय देखि अस्पताल सम्म समान्य नागरिक हरुको पहुँच भन्दा बाहिर छ । यो क्षेत्रको ब्यापारिककरणले आमनागरिक शिक्षा र स्वास्थ्य जस्तो आधारभुत आवस्यकताको पहुँच भन्दा बाहिर रहेको देखिन्छ ।
बिचौलिया बिना कुनै काम हुन नसक्ने खालको स्थिती बने पछि आम मानिसहरु उत्पादन भन्दा बिचौलियाको रुपमा काम गर्न उत्साहित भएको कारण सामाजले बिस्तारै जटिल मोड तिर बाटो सोझ्याईरहेको छ ।
यो अवस्थाबाट समाजलाई सहि बाटोमा लैजाने उदेश्य बोकेर सडकमा निस्केका जेन जि पुस्तालाई पनि बिचौलियाहरुले पुरै पुरातन शैलिको राजनीतिकरण गर्न सफल भए पछि अब देश कता जानेहो भन्ने चिन्ता हुन थालेको छ ।
यी सबै समस्या देखाएर उमकने छुट अब म नेपाली हुँ भन्ने कोहिलाई पनि छैन ।
गरीबी कै कारण सकिएका सोमालिया र श्रोत सम्पन्न भएर पनि सकिएको युक्रेन वा गलत शासक को कारण रित्तिएको श्रीलंका जस्तो अवस्था मा नेपाल नपुगोस् भन्नको लागि अब सबै सचेत नागरिक एक पल्ट गंभिर हुन जरुरी भएको छ ।
शान्ति , बिकास र उत्पादन मार्फत देश लाई संमृद्धिको बाटोमा अगाडि बढाउनु आजको आवस्यकता हो । यसको लागि मनमा भएको हिनता,कुन्ठा र निजि स्वार्थलाई तिलान्जली दिएर सकारात्मक सोचका साथमा रचनात्मक कार्यशैली अपनाउनु पर्ने हुन्छ ।
यसको लागि कति तयार हुनुहुन्छ ?
यस्तै अवस्था मा नेपाल चल्ने हो भने केही समय पछि नेपालीहरू ईतिहासमा कहिल्यै नभोगेको परिस्थिति को सामना गर्न तयार भएर बस्दा हुन्छ ।
देशमा स्थापित गायक, गायिका, कलाकार तथा उच्च पदबाट बाहिरीएका व्यक्ति हरु समेतको वैदेशिक पलायनताले देशलाई गम्भीर संकेत गरिरहेको भान हुन्छ ।
एकातिर यूवा हरुको श्रम र पसिना बाट आर्जित रेमिटेन्स बाट देश चल्नु , अर्को देशमा भएको पुंजी पलायन हुनु दुबै अवस्थाले देशलाई दुरवस्था तिर धकेलिदिएको देख्न सकिन्छ ।
यी सबै अवस्था बाट देशलाई सहि ट्रयाक मा ल्याउन देशले जे खोजिरहेको छ, के हामि त्यो दिन तयार छौं त ???
सिन्धुपाल्चोक । श्री शारदा माध्यामिक विद्यालय बाह्रबिसेको ७५औ जन्मोत्सव अवसरमा एसएलसी व्याच २०५५ सम्मानित भएको छ ।
२०५५ सालमा श्री शारदा माध्यामिक विद्यालय बाह्रबिसेबाट एसएलसी दिएका विद्यार्थीहरुको सामुहिक प्रयासबाट विद्यालयको ७४औं जन्मोत्सवको अवसरमा विद्यालयमा अध्ययनरत आर्थिक अवस्था कमजोर भएका तथा जेहेन्दार विद्यार्थीहरुलाई सहयोग उपलब्ध गराउने उदेश्यका साथ अक्षयकोष स्थापना भएको थियो ।
नव नियुक्त विद्यालय व्यवस्थापन समितिका अध्यक्ष अम्बर बहादुर श्रेष्ठ(उमेश)को अध्यक्षतामा भएको कार्यक्रम नेपाली काँग्रेसका केन्द्रीय नेता तथा पुर्व मन्त्री मोहन बहादुर बस्नेतको प्रमुख आतिथ्यतामा सम्पन्न भएको हो ।
भर्खरै मात्र नियुक्त भएका विद्यालय व्यवस्थापन समितिका अध्यक्ष अम्बर बहादुर श्रेष्ठ(उमेश) यहि विद्यालयका एसएलसी व्याच २०५५का विद्यार्थी समेत हुन् ।
यो विद्यालयको एसएलसी व्याच २०५५ समुहका अध्यक्ष समेत रहेका समितिका अध्यक्ष अम्बर बहादुर श्रेष्ठ(उमेश)ले कार्यक्रममा बोल्दै २००८ सालमा विद्यालय स्थापना गर्दा महत्वपुर्ण योगदान पुर्याउनुहुने विर बहादुर खड्का,मोहन नारायाण श्रेष्ठ,विश्व राज श्रेष्ठ र हेमराज श्रेष्ठलाई विद्यालयले कहिल्यै बिर्सन नहुने बताउनु भयो ।
कार्यक्रममा प्रदेश पुर्व वन तथा वातावरण मन्त्री मसिना खड्का(भण्डारी),बाह्रबिसे नगरपालिकाका मेयर बालकृष्ण बस्नेत,उपमेयर मन्जु तामाङ,सिन्धुपाल्चोक उद्योग बाणिज्य संघका अध्यक्ष एवं सफल व्यवसायी बुद्धराज बस्नेत,विद्यालय व्यवस्थापन समितिका पुर्ब अध्यक्ष शम्भु बहादुर तिमल्सिना, जिल्ला शिक्षक संघका अध्यक्ष तारा बहादुर कार्की, विद्यालयका पुर्व प्रधानाध्यापक उद्दबलाल श्रेष्ठको बिशेष आतिथ्य रहेको थियो ।
कार्यक्रममा बाह्रबिसे नगरपालिकाका वडाअध्यक्षहरु बिमल प्रसाद पौड्याल, शेखर बहादुर भण्डारी, जिबनकुमार भण्डारी,श्याम लामा,कृष्ण राय लगायतको आतिथ्य रहेको थियो ।
विद्यार्थीहरुको शैक्षिक सुधारकोलागि यो विद्यालयबाट एसईई दिने विद्यार्थीहरुको लागि निशुल्क कोचिङ क्लास सन्चालन गर्न पुर्व मन्त्री बस्नेतको ठुलो योगदान रहेको भन्दै बस्नेतको चर्चा समेत हुने गरेको छ ।
काठमाडौं । चक्रपथ सरसफाई महाअभियानको ४५५ औ हप्ताको अवसरमा आयोजित बृहत रक्तदान कार्यक्रम 122 पिन्ट रगत संकलन गर्दै सम्पन्न भएको छ ।
२०७४ साल बैसाक २ गते बाट शुरु गरिएको अभियानले आफ्नो निरन्तरताको ४५५औं हप्ताको अवसरमा बृहद रक्तदान आयोजना गरेको हो
अभियानको शुरुवाती चरणबाटनै प्राविधिक तथा भौतिक सहयोग गरिरहेको ग्रीनसिटी हस्पिटल, ब्लोदान काठमाडौं मध्य क्षेत्र, साउथ वेष्टर्न कलेज तथा ब्रह्माकुमारी राजयोग उपसेवाकेन्द्र रानिवारीको सह आयोजना रहेको यस कार्यक्रममा मिडिया सहकार्यको रुपमा राष्ट्रिय खबर डटकम र तुफान न्यूज डटकम रहेका थिए ।
अभियानको ३०० औ हप्ता बाट शुरु गरिएको रक्तदान कार्यक्रम प्रतेक तिन तिन महिनामा गरिदै आएको भएपनि भाद्र २३ र २४ को जेन्जी आन्दोलन पछि रोकीएको थियो । जेन्जी आन्दोलनकै दिन भाद्र २४ मा पनि रक्तदान गरि रगत अभावहुन बाट बचाएको यो अभियानले अब यस कार्यलाई निरन्तरता दिईने बताएको छ ।
आजको कार्यक्रमलाई अभियानका संयोजक लोक बहादुर टण्डन,ब्रह्राकुमारी राजयोग सेवा उपकेन्द्र रानीबारीमा आवद्व व्यक्तित्वहरू, ९३ वर्षीय जेष्ठ नागरिक अर्जुन भण्डारी, सक्रिय अभियन्ताहरू जित बहादुर हमाल, तिलक बस्नेत, आरबी ठकुरी , डिबी पराजुली, नेत्र विष्ट, उत्तम घिमिरे लगायत अन्य सामाजिक व्यक्तित्वहरूले सहजीकरण गर्नुभएको थियो ।
अभियानका संयोजक तथा ग्रीन सिटी हस्पिटलका अध्यक्ष लोक बहादुर टण्डनको नेतृत्वमा हुदै आएको रक्तदान कार्यक्रम अब प्रतेक तिन तिन महिनामा हुने निरन्तर सन्चालन हुने बताईएको छ ।
रक्तदान कार्यक्रमको प्राबिधिक सहयोग मेट्रो अस्पतालले गरेको थियो ।
आफुलाई पर्दा रगतको लागि कति भौतारिनु परेको हुन्छ त्यसलाई मनन गरेर यो खुल्ला तथा बृहत रक्तदानमा सहभागिता जनाउने सबै सबैमा आयोजकको तर्फबाट हार्दिक आभार समेत व्यक्त गरिएको छ ।
ललितपुर । वन तथा वातावरणमन्त्री माधव प्रसाद चौलागाइले सरकारी पूर्वाधार संरचनामा काठलगायत स्वदेशी निर्र्माण सामाग्री प्रयोग बढाउनुपर्ने बताउनुभएको छ । बिहीबार ललितपुरमा नेपाल वन पैदावार उद्योग व्यवसायी महासंघको वार्षिक साधारणसभा उद्घाटन गर्दै उहाँले वन मन्त्रालयमै स्वदेशी काठ नभइ आयातित निर्माण सामग्री प्रयोग गरिएको पाइएको बताउनुभयो । सरकारी पूर्वाधार निर्माणमा स्वदेशी निर्माण सामाग्री प्रयोग बाध्यकारी बनाउने गरी मन्त्रालयले पहल गरिरहेको पनि मन्त्री चौलागाइले जानकारी गराउनुभयो । उहाँले भन्नुभयो‘स्वदेशी कच्चा पदार्थ प्रयोग, नीतिगत सहजीकरण र बजार विस्तारको विषय सरकारको प्राथमिकतामा रहेको छ । पहिलो दिन हामी वन मन्त्रालय जाँदा त्यहाँ विदेशी वस्तुमात्रै प्रयोग गरेको देख्दा हाँसो उठिरहेको थियो । यो भन्दा लज्जास्पद कुरा केही पनि छैन । अनि हामीले विस्तारै परिवर्तन गर्दै जाने निर्णय गरेका छौ । ३० दिनमा परिणाम दिनेगरी अघि बढ्दैछौं ।’
नेपाल वन पैदावार महासंघका अध्यक्ष दिनेश राज रेग्मीले ‘हरियो वन नेपालको धन’ भनिएपनि नीतिगत अवरोधका कारण हरियो वन नेपालको धन बन्न नसकेको बताउनुभयो । नीतिगत कडाइले जंगलमा काठ त्यत्तिकै खेर गइरहेको र विदेशबाट काठ तथा फर्निचरहरु आयात गर्नुपर्ने बाध्यता रहेको उहाँको भनाइ थियो । अध्यक्ष रेग्मीले भन्नुभयो‘नेपाल झण्डै ४६ प्रतिशत वन क्षेत्र छ तर आयातित काठ र फर्निचरहरु प्रयोग भइरहेको छ । वनलाई व्यापारमात्रै सीमित गर्दा हामी वनजन्य उत्पादनमा आत्मनिर्भर हुन सकेनौं । अहिले अधिकांस वस्तु आयात हुने गरेको छ । नीतिगत समस्याका कारण हामी आयातमूखी हुन पुगेका हौं ।
महासंघका महासचिव मावधमणी होमागाइले विभिन्न नीतिगत कडाइका कारण स्वदेशी काठ महँगो हुँदा काठका साथै वैकल्पिक निर्माण सामग्रीको आयात बढ्न गएको बताउनुभयो । सरकारले नीति तर्जुमा गर्दा उद्योग व्यवसायमैत्री वातावरण बनाउने बताउँदै आएपनि कार्यान्वयन हुन नसकेको उहाँको भनाइ थियो । होमागाइका अनुसार सरकारले वन क्षेत्रलाई राजश्वको दायरा बढाउन सकिने क्षेत्रका रुपमा नलिइ राजश्व तथा करको दरमा बृद्धि गरी कर असुल्ने क्षेत्रका रुपमामात्र लिएको छ ।
नेपालका वन सम्पदालाई उचित तवरले संरक्षण र सदुपयोग गरी वन पैदावारको उत्पादन, उपयोग र बजारीकरणको तालमेल मिलाइ दीगो वन पैदावारर आपूर्तिको वातावरण बनाउनुपर्ने आवश्यकता रहेको छ । आवश्यक उपयुक्त नीति, नियम, ऐन, कानुन, नियमावली, निर्देशिकालाई उद्योग व्यवसायमैत्री बनाउँदै सामाजिक र आर्थिक अवस्था पनि सोहीअनुरुप रुपान्तरण गरी वृहत औद्योगिक वातावरण निर्माण गर्दै जानुपर्ने महासचिव होमागाईको सुझाव थियो ।
नेपालमा वन उद्योग फस्टाउन नसकेको विद्यमानको कारण र समाधानका उपायहरु सरकार र निजी क्षेत्र मिलेर खोजिनुपर्नेमा पनि महासंघले जोड दिएको छ । सो अवसरमा सामूदायिक वन उपभोक्ता महासंघका अध्यक्ष ठाकुर प्रसाद भण्डारी, नेपाल प्लाइउड उद्योग संघका अध्यक्ष होमप्रसाद घिमिरे, नेपाल उद्योग वाणिज्य महासंघका समदस्य शिवप्रसाद घिमिरेलगायतले पनि वन विद्यमान वन नीति नेपालको अर्थतन्त्र र विकासविरुद्ध रहेको भन्दै व्यापक नीतिगत सुधारको आवश्यकता औंल्याएका थिए ।
