काठमाडौं / काठमाडौंको जोरपाटीस्थित विद्या सागर इङ्लिस बोर्डिङ स्कुलको आयोजनामा “Smart Parenting” सम्बन्धी विशेष कार्यक्रम सम्पन्न भएको छ।
२०८२ फागुन ३० गते Peace Banquet, जोरपाटीमा आयोजित कार्यक्रममा ६०० भन्दा बढी अभिभावकको उत्साहजनक सहभागिता रहेको थियो।
प्रमुख वक्ता काउन्सेलर तथा मोटिभेशनल स्पिकर अशोक दाहालले डिजिटल युगमा बालबालिकाको सही मार्गदर्शन, सकारात्मक अभिभावकत्व र बाल मनोविज्ञानबारे प्रेरणादायी प्रशिक्षण दिनुभयो।
कार्यक्रममा विद्यालय–अभिभावक सहकार्यले बालबालिकाको समग्र विकासमा महत्वपूर्ण भूमिका खेल्ने विषयमा जोड दिइएको थियो।
सहभागी अभिभावकहरूले कार्यक्रम उपयोगी र ज्ञानवर्धक भएको बताएका छन्।
